понедельник, 18 апреля 2016 г.

<< ՍՊՈՐՏԻ ԺԱՌԱՆԳՈՒԹՅՈՒՆ >>

Դպրոցի VII դասարանի աշակերտները հուշարձանների պահպանման օրվա կապակցությամբ մասնակցեցին Զվարթնոց տաճարում կազմակերպված <<ՍՊՈՐՏԻ ԺԱՌԱՆԳՈՒԹՅՈՒՆ >> միջոցառմանը :
Ակտիվ մասնակցություն ցուցաբերած աշակերտները ստացան պատվոգրեր : Նրանք նաև ներկա գտնվեցին <<Նուռ և խաղող >>ցուցահանդեսի բացմանը :

суббота, 9 апреля 2016 г.

<< ՔԵԶ ՀԱՄԱՐ ՀԱՅԱՍՏԱՆ >>

Ապրիլին 9-ին երաժշտության ուսուցչուհին IV բ դասարանի աշակերտների հետ կազմակերպել էր դաս-միջոցառում <<ՔԵԶ ՀԱՄԱՐ ՀԱՅԱՍՏԱՆ >> վերնագրով :
Դասի ընթացքում աշակերտները ներկայացրեցին <<ՔԵԶ ՀԱՄԱՐ ՀԱՅԱՍՏԱՆ >> երգի ծնունդը , պատմությունը , խոսքերի և երաժշտության հեղինակներին : Առանձնակի նշվեց մեր հայրենակից Շառլ Ազնավուրի մասին :
Ներկայացրեցին նաև հայկական ժողովրդական երգի տեսակները ` կատարեցին երգերից հատվածներ :

среда, 30 марта 2016 г.

ԵՍ ԵՄ ՃԱՆԱՊԱՐՀԸ , ՃՇՄԱՐՏՈՒԹՅՈՒՆԸ ԵՎ ԿՅԱՆՔԸ

Սույն թվականի մարտի 30 - ին կայացավ միջոցառում ` նվիրված Սուրբ Հարության տոնին : <<ԵՍ ԵՄ ՃԱՆԱՊԱՐՀԸ , ՃՇՄԱՐՏՈՒԹՅՈՒՆԸ ԵՎ ԿՅԱՆՔԸ>>
խորագրով միջոցառմանը մասնակցեցին VI , VII , և VIII դասարանների աշակերտները : Միջոցառման ընթացքում աշակերտները համառոտ ներկայացրեցին Հիսուսի երկրային կյանքը , չարչարանքները , խաչելությունը և հարությունը : Իրենց կատարումով աշակերտները զգացին փրկչի վերածնունդը :
Ներկաները դահլիճից հեռացան՝ հոգևոր մեծ բավականություն ստացած:

пятница, 25 марта 2016 г.

<< ՍՈՒՐԲ ԶԱՏԻԿ >>

Մարտի 25 - ին III ա դասարանի աշակերտները ներկայացրին <<ՍՈՒՐԲ ԶԱՏԻԿ >> խորագրով գեղեցիկ միջոցառում :

Միջոցառման ընթացքում աշակերտները ներկայացրեցին տոնի խորհուրդը և պատմությունը , խոսեցին Հարության տոնի ուտեստների մասին : Հյուրասիրեցին բոլոր ներկաներին : Միջոցառմանը ներկա էին տնօրինությունը, ուսուցիչներ, ծնողներ, հյուրեր :

суббота, 19 марта 2016 г.

<< Հայոց Պետական Խորհրդանիշներ >>

Մարտի 19 - ին Երևանի կամերային տանը կայացավ <<Դպրոց կենտրոնների միության >> իրավաբանական անձանց միության ծրագրի շրջանակներում հայտարարված << Հայոց Պետական Խորհրդանիշներ >> խորագրով պաստառների ցուցահանդես - մրցանակաբաշխություն , որին իր մասնակցությունն ունեցավ նաև մեր դպրոցը :

Հանձինս VIII դասարանի աշակերտուհի

Բաղդասարյան Ռիմա :

суббота, 5 марта 2016 г.

Պատանի երկրապահների երդումը

Մարտի 5 -ին Էջմիածնի Վ.Սարգսյանի հրապարակը մարդաշատ էր :

Այդ օրը կատարվեց պատանի երկրապահների երդման արարողությունը:

Բոլոր դպրոցի սաները քայլերթով անցան հրապարակով , իսկ որոշ խմբեր ներկայացրեցին ցուցադրական ելույթներ :

четверг, 25 февраля 2016 г.

Ընթերցման օլիմպիադա - 2016

Օլիմպիադային մասնակցում էին դպրոցի 6-րդ դասարանի աշակերտները: Օլիմպիադան անցկացվում է երեք փուլով ՝ դպրոցական , մարզային , հանրապետական:

Մարզային փուլ անցած աշակերտներն են ` Արսենյան Կարինեն և Աբրահամյան Իրինան

понедельник, 22 февраля 2016 г.

Փետրվարի 21 ` Մայրենի լեզվի միջազգային օր

<<Մայրենի լեզվի բառերը մենք զգում ենք , ապրում , իսկ օտար լեզվինը ` սովորում , հասկանում , հիշում ... >>

Ավ.Իսահակյան

Լեզուն համարվում է բոլոր ազգերի կարևորագույն այն << գործիքը >> , որով սերունդները պահպանում են իրենց ազգությունը : Ուրեմն այսօր պետք է հիշենք Մեսրոպ Մաշտոցին և իր կատարած ահռելի դերը Հայաստանի ու հայերի համար :

Դպրոցի աշակերտները գեղեցիկ միջոցառումով և բաց դասի միջոցով ներկայացրեցին տոնի կարևորությունը :

IV բ դաս.-ի աշակերտները նշեցին մայրենիի տոնը : Հնչեցին բանաստեղծություններ `նվիրված ոսկեղենիկ հայոց լեզվին , հայ մեծ ուսուցիչ Մ.Մաշտոցին , տեսիլքից ծնված տառերին : Դասվար ` Ա.Ղռմաջյանը , իր խոսքում նշեց , որ ակնածանքով գլուխ ենք խոնարհում մեր քաղցրահնչյուն ոսկեղենիկ մայրենիի առաջ : Մայրենի , որ դարերի քառուղիներով է անցել ու դաժան դարերի հորձանուտում մաքառելով հղկվել ու անաղարտ մեզ է հասել :

Շնորհավորեց ներկաներին և հղեց անաղարտ պահել նախնիներից ժառանգած ու բազում փորձություններով անցած մեր նվիրական մայրենին և խուսափել նրա զուլալ ակունքն օտար բառերով աղավաղելուց :

Իսկ աշակերտները երդվեցին .

- ....Երդվում եմ քեզնով արտասանել միայն արդարության խոսքեր :

Երդվում եմ կրել քեզ շնչովս , արյունովս

Երդվում եմ ...

<< Մայրենի լեզվի >> տոնին նվիրված միջոցառում անցկացվեց V դասրանի աշակերտների մասնակցությամբ : Մայրենիի ուսուցչուհի Ս.Բաբայանի միջոցով աշակերտները արժևորեցին լեզվի մշակութային և պահպանողական դերը հայի կյանքում :

Իրենց ելույթներում մեծ ոգևորությամբ մեջբերեցին V դարի երևելիների կատարած գործի կարևորությունը , հնչեցին ասույթներ , բանաստեղծություններ և երգեր մայրենի լեզվին նվիրված :

Միջոցառումը դիտարժան էր նաև երեխաների ներկայանալի տեսքով ` հայկական տարազներով :

Միջոցառման ավարտին շնորհակալական և գովեստի խոսքեր ասվեց աշակերտներին և կազմակերպիչներին տնօրինության կողմից :

Գարեգին Նժդեհի անվան N 8 հիմնական դպրոց

Գնահատում 2016

понедельник, 18 апреля 2016 г.

суббота, 9 апреля 2016 г.

среда, 30 марта 2016 г.